Մատենադարանի պատվիրակությունն այցելել է ԻԻՀ Ղոմ քաղաքի Այաթոլահ Մարաշի Նաջաֆի գրադարան։ Պատվիրակությանն ընդունել է կենտրոնի հիմնադրի որդին՝ տնօրեն Մահմուդ Մարաշի Նաջաֆին։
Այաթոլահ Մարաշի Նաջաֆիի անվան գրադարանն իսլամական ձեռագրերի խոշորագույն կենտրոնն է Իրանում և երրորդը՝ ողջ իսլամական աշխարհում։ Հավաքածուն ընդգրկում է շուրջ 85 հազար ձեռագիր տարբեր լեզուներով, որոնք բովանդակում են ոչ միայն կրոնական բնույթի, նաև գիտության տարբեր ճյուղերին առնչվող տեքստեր։
Շրջայց է կազմակերպվել կենտրոնի ձեռագրապահոցներ, թվայնացման և վերականգնման բաժիններ։ Ընդգծվել է փոխադարձ համագործակցության կարևորությունն ու պատրաստակամությունը, ինչը և կմեկնարկի կենտրոնում պահվող հայերեն ձեռագրերի ուսումնասիրությամբ. հայտնել են Մեսրոպ Մաշտոցի անվան Մատենադարանից։