Ռուսաստանի նախագահի խոսնակ Դմիտրի Պեսկովն արձագանքել է այն տեղեկությանը, ըստ որի Վլադիմիր Պուտինը փետրվարի 12-ին մեկնելու է Թուրքիա: Ըստ խոսնակի՝ այցի ժամկետների մասին հանդես կգան հայտարարությամբ։
Պեսկովն ասել է, որ Էրդողան-Պուտին հանդիպման օրակարգում ռուս-թուրքական երկկողմ հարաբերություններն են, առևտրատնտեսական գործակցությունը, տարածաշրջանային խնդիրը և Ուկրաինայի շուրջ զարգացումները։
Խոսնակը մտահոգված է, քանի որ, ըստ նրա, Արևմուտքն աննախադեպ ճնշում է գործադրում Անկարայի վրա՝ խոչընդոտելու համար ռուս-թուրքական գործակցությունը, սակայն Թուրքիան սկզբունքային և անկախ դիրքորոշում է որդեգրել ու ամրապնդում է տնտեսական կապերը Ռուսաստանի հետ։
