«Մեր դիրքորոշումը խիստ հստակ է»․ Իրանի դեսպան

Հարցին, թե Իրանն ինչպես կարձագանքի Սյունիքի միջանցքի վերաբերյալ Ադրբեջանի հնարավոր ագրեսիային, այսօր կայացած ասուլիսում Հայաստանում Իրանի դեսպան Մեհդի Սոբհանին պատասխանել է.

«Այս տարածաշրջանում միջանցքը բոլորովին այլ իմաստով է ընկալվում, ոչ թե կոմունիկացիայի։ Իրանի դիրքորոշումը հստակ է ճանապարհների ապաշրջափակման հարցում․ դրանք պետք է լինեն տվյալ երկրի ինքնիշխանության ներքո։ Տարածաշրջանը դեպի խաղաղություն կարող է տանել խաղաղության լեզուն։ Թե ինչ զարգացումներ են հավանական, կարծում եմ՝ դրանց վրա չենք կարող դիտարկումներ անել։ Մեր դիրքորոշումը խիստ հստակ է. մենք դեմ ենք սահմանների ու աշխարհաքաղաքական փոփոխություններին և ռազմական ու քաղաքական ճանապարհներով, մեր վարքագծով ու քայլերով կարտահայտենք նման փոփոխությունների հանդեպ մեր անհանդողականությունը։ Իսկ թե ինչպես կվարվենք Հայաստանի տարածքում, դա արդեն պայմանավորված կլինի Հայաստանի կառավարության դիրքորոշմամբ»։