Ժոզեպ Բորելը լուսաբացը դիմավորել է ապաստարանում

Ուկրաինայի մայրաքաղաքը ենթարկվել է հրթիռային հարձակման, և Կիև այցելած Եվրամիության արտաքին քաղաքական գերատեսչության ղեկավար Ժոզեպ Բորելը գիշերն անցկացրել է ապաստարանում։

X սոցիալական հարթակի իր էջում՝ այդ մասին գրառում է արել Բորելը` կցելով ներկայացված լուսանկարը։

«Իմ առավոտը սկսում եմ ապաստարանում, քանի որ Կիևում հնչում են օդային տագնապի ազդանշաններ», – գրել է Բորելը՝ նշելով, որ Ռուսաստանի հարձակումից ի վեր` ամեն օր այդ իրավիճակում է ապրում «ուկրաինացի խիզախ ժողովուրդը»։

2022 թ․ փետրվարի 24-ից սկսած՝ Ժոզեպ Բորելը չորրորդ անգամ է այցելում Կիև։