Վրաստանում տեղումներն առաջացրել են սողանքներ և ջրհեղեղ։ Շատ գյուղեր կտրվել են արտաքին աշխարհից. տեխնիկական օգնությունը ժամեր շարունակ չի կարողացել հասնել մարդկանց։ Տուժել են բազմաթիվ ընտանիքներ, կան նաև զոհեր։ Ձյան տեղումները, ձնահյուսերը, սողանքը, փոթորիկը և ջրհեղեղը միաժամանակ` փետրվարի 6-ին, հարվածել են Արևմտյան Վրաստանին։ Տարածաշրջանի մի քանի գյուղերի բնակիչներ լրջորեն տուժել են, բարձր լեռնային շրջաններում ձնահյուսի հետևանքով մահացել են մարդիկ:
Աջարիայի կառավարությունը հայտնում է երկու զոհի մասին։ Դեպքի վայրից տարհանվել է 70 ընտանիք։ 150 գյուղերում առատ ձյան տեղումների պատճառով մարդիկ մնացել են առանց էլեկտրականության, իսկ տեխնիկան ու մասնագետները չեն կարողացել հասնել նպատակակետին: Այլ բնակավայրերում սողանքի և ջրհեղեղի պատճառով հեղեղվել են փողոցներ ու տներ:
Ճանապարհներին կոլապս է առաջացել։ Տարբեր մակարդակների մի քանի մայրուղիներ պարզապես կաթվածահար են եղել։ Տուժել է երկաթուղին, չեղարկվել են ուղերթները: Ձյան և բքի պատճառով ընդհատվել է ուսումնական գործընթացը տարածաշրջանի 69 դպրոցում:
«Հիդրոօդերևութաբանության և մոնիթորինգի կենտրոն» ՊՈԱԿ
