ՌԴ նախագահ Վլադիմիր Պուտինի Թուրքիա այցի համաձայնեցումը շարունակվում է, ստույգ ժամկետներ առայժմ չկան, լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Հաշվի առնելով, իհարկե, ընտրական շրջանը մեզ մոտ և Թուրքիայի նախագահի լարված աշխատանքային գրաֆիկը, հենց որ այդ ժամկետները համաձայնեցվեն, մենք մեր գործընկերների հետ միասին կհայտարարենք դրա մասին», – Կրեմլի ներկայացուցչի խոսքն է մեջբերել ՏԱՍՍ-ը։
Ավելի վաղ զանգվածային լրատվամիջոցները հաղորդել էին, որ Պուտինի այցը Թուրքիա կարող է կայանալ փետրվարի 12-ին։ Իսկ ահա փետրվարի 7-ին տեղեկություն տարածվեց, որ Պուտինի այցը հետաձգվել է։ Հետաձգման պատճառը հայտնի չէ։
