Իսրայելի ներկայացուցիչները մեկնում են Կահիրե՝ պատանդների վերադարձի շուրջ բանակցությունների
Իսրայելը փետրվարի 13-ին պատվիրակություն է ուղարկում Կահիրե՝ պաղեստինյան ՀԱՄԱՍ արմատական շարժման մոտ գտնվող պատանդների ազատ արձակման շուրջ բանակցություններ վարելու։ Այս մասին հաղորդում է The Times of Israel-ը։
Կահիրեում բանակցություններին ներկա կգտնվեն նաև ԱՄՆ-ի, Եգիպտոսի և Կատարի բարձրաստիճան պաշտոնյաներ՝ վերսկսելու Փարիզում մշակված, երեք փուլ ներառող գործարքի քննարկումները։
Ըստ իսրայելական ԶԼՄ-ների՝ իսրայելական կողմից բանակցությունների են մեկնում երկրի Արտաքին հետախուզական ծառայության՝ «Մոսադ»-ի ղեկավար Դևիդ Բառնին, Անվտանգության ծառայության տնօրեն Ռոնան Բարը և իսրայելցի գեներալ Նիցան Ալոնը։
Նշվում է, որ բանակցություններում Իսրայելի ներկայացուցիչների գործընկերները կլինեն ԱՄՆ կենտրոնական հետախուզական վարչության տնօրեն Ուիլյամ Բըրնսը, Եգիպտոսի հետախուզության ղեկավար Աբբաս Քամելը և Կատարի վարչապետ Մուհամեդ բեն Աբդել Ռահման ալ Թանին։
Իսրայելցի պատանդների ազատ արձակումը ՀԱՄԱՍ-ը կապում է իսրայելական բանտերից պաղեստինցիների ազատ արձակման և Գազայում զինադադարի հետ։
Փետրվարի 12-ին ԱՄՆ նախագահ Ջո Բայդենը հայտարարել էր, որ Իսրայելը պետք է շարունակի աշխատել ՀԱՄԱՍ-ի հետ զինադադարի և իսրայելցի պատանդներին պաղեստինցի բանտարկյալներով փոխանակելու շուրջ համաձայնագրի վրա։
«Իսրայելին կոչ եմ անում աշխատել գործարքի վրա», – ասել է նա Սպիտակ տանը Հորդանանի Աբդալլահ Երկրորդ թագավորի հետ համատեղ մամուլի ասուլիսում:
Աբդալլահ Երկրորդն իր հերթին կոչ է արել անհապաղ դադարեցնել ռազմական գործողությունները Գազայում:
Recent Posts
Ստամբուլում հանդիպել են Հայաստանի և Իրանի ԱԳ նախարարները
ՀՀ ԱԳ նախարար Արարատ Միրզոյանը Ստամբուլում հանդիպել է Իրանի ԱԳ նախարար Սեյեդ Աբբաս Արաղչիի հետ։…
Կոբախիձեն մեկնաբանել է եվրաինտեգրման դադարեցման վերաբերյալ ԵՄ հայտարարությունը
Վրաստանի վարչապետ Իրակլի Կոբախիձեն կողմնակալ է համարել Եվրամիության հայտարարությունը երկրի եվրաինտեգրման դադարեցման վերաբերյալ. «Ուկրաինայում և Մոլդովայում,…
Բուժառուներին անվճար կհատկացվի ևս 1 թանկարժեք դեղ
Առողջապահության նախարարությունը «Հայաստան-Արցախ» հիմնադրամի կողմից մարդասիրական օգնություն է ստացել ԱՄՆ-ի Ամգեն ԻՆԿ. դեղագործական ընկերության արտադրության…
Հյուսիսային Կորեան զորախումբ է ուղարկել Ռուսաստան
Հյուսիսային Կորեան զինվորականներ է ուղարկել Ռուսաստան. հայտարարել է Հարավային Կորեայի հետախուզությունը։ Ըստ հետախուզության տվյալների՝ հյուսիսկորեացի…
Վրաստանի կառավարության քայլերը փաստացի կասեցրել են անդամակցությունը ԵՄ-ին․Մակրոն
Ֆրանսիայի նախագահ Էմանուել Մակրոնը մեկնաբանել է Եվրամիության գագաթնաժողովից հետո Եվրոպական խորհրդի հրապարակած հայտարարությունը Վրաստանում ստեղծված…
Չեխիայի համար կարևոր է Հայաստանի հետ հարաբերությունների խորացումը. Միլոշ Վիստարչիլը՝ ՀՀ ԱԺ նախագահին
ՀՀ ԱԺ նախագահ Ալեն Սիմոնյանը Չեխիա կատարած պաշտոնական այցի շրջանակում հանդիպել է Չեխիայի խորհրդարանի Սենատի…