«Բոլոր հարցերը պետք է լուծել բացառապես խաղաղ, քաղաքական ու դիվանագիտական ճանապարհով». Զախարովա

ՌԴ ԱԳՆ խոսնակ Մարիա Զախարովան իր ամենշաբաթյա ասուլիսում անդրադարձել է օրերս հայ-ադրբեջանական սահմանի սրացմանը, Ադրբեջանի ագրեսիային, զոհերին։ 

Զախարովան ասել է. «Մենք լրջորեն անհանգստացած ենք փետրվարի 12-ին և 13-ին հայ-ադրբեջանական սահմանի վերջին սրացմամբ ու դրա դրսևորումներին։ Կոչ ենք անում Բաքվին և Երևանին՝ զսպվածություն ցուցաբերել, քայլեր անել դեէսկալացիայի համար, խուսափել ցանկացած քայլից, որն ավելի կվատթարացնի հետագա իրավիճակը։ Բոլոր հարցերը պետք է լուծել բացառապես խաղաղ, քաղաքական ու դիվանագիտական ճանապարհով։ Դեպքը ևս մեկ անգամ ապացուցում է Ադրբեջանի և Հայաստանի՝ բարձրագույն մակարդակով ընդունված եռակողմ հայտարարությունների իրականացմանը վերադառնալու անհրաժեշտությունը։ Համոզված ենք, որ սահմանային խնդիրները հարկ է լուծել հայ-ադրբեջանական սահմանագծման երկկողմ հանձնաժողովի շրջանակներում։ Պատրաստ ենք այդ գործընթացին խորհրդատվական աջակցություն ցուցաբերել»։