««Հանրակրթության մասին օրենքի համաձայն» երեխաները 6 տարեկանը լրանալուց հետո պիտի գնան դպրոց, բայց տարածված պրակտիկա կա, երբ ծնողները «խղճում» են երեխաներին և մտածում են մեկ տարի ուշ տանել, սպասել՝ մի փոքր էլ մեծանա, կամ, տղաների պարագայում, երբեմն միտումնավոր են ուշ տանում դպրոց». այսօր, խորհրդարանական լսումների ժամանակ, հայտարարել է ԿԳՄՍ փոխնախարար Արաքսյա Սվաջյանը։
Ըստ նրա՝ գործող իրավակարգավորումներով երեխան որ տարեկանում գնա դպրոց, այդ դասարանում էլ սովորելու է. «Երեխային, օրինակ, 7 տարեկանում են բերում դպրոց, բայց ինքը 2-րդ դասարանում է հայտնվելու։ Իր հետ ստիպված անհատական աշխատանք պետք է անել, որ առաջին դասարանի ծրագիրը յուրացնի, իսկ դա ավելի է բարդացնում երեխայի վիճակը»։
Փոխնախարարի կարծիքով՝ սա զսպող մեխանիզմ է դառնալու, որպեսզի ծնողը երեխային 6 տարեկանում տանի դպրոց։
