Վրաստանի ԱԳ նախարար Իլյա Դարչիաշվիլին այցելել է Թուրքիա։ Նա հանդիպում է ունեցել Թուրքիայի արտգործնախարար Հաքան Ֆիդանի հետ, քննարկել նաև Հարավային Կովկասում իրավիճակը և տարածաշրջանային անվտանգության մարտահրավերները։
Վրաստանի ԱԳՆ-ն հաղորդել է. «Նախարարները կրկին ընդգծել են խաղաղություն հաստատելու կարևորությունը տարածաշրջանում ամուր և կայուն զարգացման համար։ Այս կապակցությամբ կարևորվել է Վրաստանի և Թուրքիայի դերը»։
Նաև ասված է, որ Թուրքիայում կայացած հանդիպման ժամանակ կողմերն անդրադարձել են ռազմավարական տարանցիկ և էներգետիկ նախագծերի իրականացմանը, Վրաստանի, Ադրբեջանի և Թուրքիայի տարանցիկ ներուժին: Այս համատեքստում ԱԳ նախարարները նշել են Բաքու-Թբիլիսի-Կարս մայրուղու և «Միջին միջանցքի» իրագործման կարևորությունը։
