Ուկրաինայի նախագահ Վլադիմիր Զելենսկին և Գերմանիայի կանցլեր Օլաֆ Շոլցը անվտանգության ոլորտում երկարաժամկետ պարտավորությունների վերաբերյալ համաձայնագիր են ստորագրել։
Ուկրաինայի նախագահի գրասենյակը հրապարակել է Գերմանիայի հետ երկկողմ համաձայնագրի կետերը:
Զելենսկու գրասենյակի ղեկավարի տեղակալ Իգոր Ժովկվան մանրամասնել է. «Սա արդեն երկրորդ համաձայնագիրն է Մեծ Բրիտանիայի հետ համաձայնագրից հետո, որը մենք ստորագրում ենք՝ ի կատարումն G7-ի 2023 թվականի հուլիսի 12-ի համատեղ հռչակագրի»։
Ժովկվայի խոսքով՝ համաձայնագրի կնքմանը նախորդել են ինտենսիվ բանակցությունների չորս փուլ, այդ թվում՝ Բեռլինում:
Ըստ այդմ, 2024 թվականի համար նշվել է Գերմանիայի կողմից 7,1 միլիարդ եվրո ֆինանսական և ռազմական օգնություն։
Գերմանիան աջակցում է Ուկրաինայի ջանքերին բարեփոխումների ճանապարհին, մասնավորապես, ԵՄ-ին և ՆԱՏՕ-ին անդամակցելու ձգտումների համատեքստում։
Ուշադրություն է դարձվել նաև պաշտպանական արդյունաբերության ոլորտում համագործակցությանը և Ուկրաինայի ռազմարդյունաբերական համալիրի բարձր տեխնոլոգիական զարգացման աջակցությանը, այդ թվում՝ գերմանական ներդրումների հաշվին։
Համաձայնագիրը կնքվել է 10 տարի ժամկետով։
