Հայաստանի ԱԽ քարտուղար Արմեն Գրիգորյանը տեղեկացրել է, որ Հայաստանը խաղաղության պայմանագրի՝ հունվարի 4-ի իր առաջարկների վերաբերյալ ստացել է ադրբեջանական կողմի արձագանքը. «Մենք շարունակում ենք աշխատել, և կարծում եմ՝ ԱԳ նախարարները երբ հանդիպեն մոտակա շրջանում, քննարկելու են խաղաղության պայմանագիրը»։
Խոսելով դիրքորոշումների մասին, Գրիգորյանն ասել է. «Որոշ հարցերում, որում հետընթաց եղել է, էլի պահպանվել է։ Միանշանակ սկզբունքային հարցեր են»։
