Իսրայելի խորհրդարանը հավանություն է տվել նախարարների կաբինետի որոշմանը, որով մերժվում է Պաղեստին պետության ստեղծման մասին «թելադրանքը», հայտնում է Kan ռադիոընկերությունը։
Հայտնի է, որ Իսրայելի կառավարությունը օրերս միաձայն հավանություն է տվել վարչապետ Բենիամին Նեթանյահուի ներկայացրած բանաձևին, որը մերժում է միջազգային հանրության «թելադրանքը» պաղեստինցիների հետ հակամարտության կարգավորման վերջնական կարգավիճակի և պաղեստինյան պետության ճանաչման վերաբերյալ։
Իսրայելի խորհրդարանը հավանություն է տվել նախարարների կաբինետի որոշմանը։
Բանաձևում նշվում է, որ «Իսրայելը կտրականապես մերժում է պաղեստինցիների հետ մշտական կարգավորման վերաբերյալ միջազգային թելադրանքները»։
Իսրայելը կշարունակի ընդդիմանալ պաղեստինյան պետության միակողմանի ճանաչմանը, հայտնել են Նեթանյահուի աշխատակազմից:
