Բայդենը հայտարարել է, որ ԱՄՆ-ն լրացուցիչ 500 պատժամիջոց կսահմանի ՌԴ-ի դեմ, իսկ արտահանման սահմանափակումները կվերաբերեն գրեթե 100 իրավաբանական անձի։
Սպիտակ տան հայտարարության համաձայն՝ պատժամիջոցները կազդեն ֆինանսական հատվածի, ռազմարդյունաբերական համալիրի, գնումների ոլորտի վրա։
ԱՄՆ-ն նաև արտահանման նոր սահմանափակումներ կկիրառի և քայլեր կձեռնարկի Ռուսաստանի էներգետիկ եկամուտների հետագա կրճատման ուղղությամբ․ ասվում է Բայդենի հայտարարության մեջ:
Բայդենի խոսքով՝ այդ միջոցները նպատակ ունեն Ռուսաստանին պատասխանատվության ենթարկել պատերազմի և ընդդիմության առաջնորդ Ալեքսեյ Նավալնիի մահվան համար, քանի որ Վաշինգտոնը հույս ունի շարունակել աջակցել Ուկրաինային, չնայած բախվում է զինամթերքի սուր պակասի, իսկ Կոնգրեսում ԱՄՆ ռազմական օգնությունը հետաձգվում է ամիսներով:
«Դրանք երաշխավորում են, որ Պուտինն ավելի մեծ գին կվճարի արտերկրում իր ագրեսիայի և երկրի ներսում բռնաճնշումների համար», – ասել է Բայդենը պատժամիջոցների մասին:
