Հայաստանի մարմնամարզության հավաքականի անդամ Արթուր Դավթյանը շարունակում է հաղթարշավն աշխարհի գավաթի խաղարկությունում:
«Արմենպրես»-ի հաղորդմամբ` Գերմանիայի Կոտբուս քաղաքում ընթացող աշխարհի գավաթի խաղարկության հենացատկի վարժության եզրափակիչում Արթուր Դավթյանը, հավաքելով 15.100 միավոր, երկրորդ անգամ անընդմեջ դարձավ աշխարհի գավաթի խաղարկության հաղթող:
Նախօրեին աշխարհի գավաթի խաղարկության բրոնզե մեդալակիր էր դարձել Վահագն Դավթյանը:
Աշխարհի գավաթի խաղարկության առաջին փուլում, որը կայացել էր Եգիպտոսում, Արթուր Դավթյանը դարձել էր ոսկե, իսկ Վահագն Դավթյանը` արծաթե մեդալակիր:
