Հայաստանի Ազգային ժողովի պատգամավորները մեկ րոպե լռությամբ հարգել են 1988 թվականի Սումգայիթի կոտորածին զոհ գնացած հայերի հիշատակը։ «Արմենպրես»-ի հաղորդմամբ` այդ առաջարկով հանդես է եկել Ազգային ժողովի նախագահ Ալեն Սիմոնյանը։
Խորհրդային Ադրբեջանի Սումգայիթ քաղաքում ադրբեջանական իշխանությունների կողմից պետական մակարդակով կազմակերպված՝ քաղաքի հայ ազգաբնակչության եղեռնը և զանգվածային տեղահանությունը տեղի են ունեցել 1988 թվականի փետրվարի 27-29-ն ընկած ժամանակահատվածում։ Փետրվարի 29-ին խորհրդային զորքեր են մտցվել Սումգայիթ, բայց այդ օրը ևս շարունակվել են բռնարարքներն ու սպանությունները։ Բանակը զենք կիրառելու հրաման չի ստացել և չի օգնել հայերին։ Միայն երեկոյան դիմել է վճռական գործողությունների և կանխել հետագա ջարդերը։
