Ուկրաինացի փրկարարները շարունակում են մարդկանց որոնումները Օդեսայի բնակելի շենքի մուտքի փլատակներում։
Ռուսական բանակի արձակած անօդաչու թռչող սարքերից մեկը հարվածել է 9 հարկանի շենքին, մեկ մուտքը գրեթե ամբողջությամբ ավերվել է։
Ըստ վերջին տեղեկությունների՝ մահացել է 10 մարդ, այդ թվում՝ երեք երեխա, գրում է Euronews-ը:
Փրկարարների տվյալներով՝ փլատակներում կարող է լինել ևս մի քանի մարդ։ Որոնողական աշխատանքները շարունակվում են։
Ուկրաինայի զինված ուժերի գլխավոր շտաբի զեկույցում նշվում է, որ օրվա ընթացքում ռազմաճակատում տեղի է ունեցել 71 մարտական բախում։
ՌԴ բանակը Ուկրաինայի զինված ուժերի դիրքերի և բնակավայրերի ուղղությամբ մեկ հրթիռային և 50 ավիացիոն հարված է հասցրել, 112 հրթիռ էլ արձակվել է հրթիռային համակարգերից:
