Վրաստանը, Ադրբեջանը, Հունգարիան և Ռումինիան մտադրվել են ստեղծել համատեղ ընկերություն, որը էլեկտրական մալուխ կանցկացնի Սև ծովի հատակով դեպի Եվրոպա։ Չորս երկրների էկոնոմիկայի նախարարներն այդ հարցը քննարկել են Բաքվում։
«Վրաստանը հնարավորություն ունի ուղղակիորեն միանալու եվրոպական էներգահամակարգերին ծրագրված ստորջրյա սևծովյան մալուխի միջոցով։ Ծրագիրը կօգնի ամրապնդել էներգետիկ անվտանգությունը, դիվերսիֆիկացնել մատակարարման ուղիները, ներգրավել օտարերկրյա ներդրումներ և զարգացնել կանաչ էներգիան ոչ միայն Վրաստանում, այլև ողջ տարածաշրջանում», – ասել է Վրաստանի էկոնոմիկայի նախարարության ղեկավար Լեւան Դավիթաշվիլին։
