Հայաստանում փոփոխական եղանակ է սպասվում

Հիդրոօդերևութաբանության և մոնիթորինգի կենտրոնը տեղեկացնում է.

Հայաստանում օդի ջերմաստիճանը մարտի 5-ին աստիճանաբար կբարձրանա ևս 2-4  աստիճանով, 7-ի ցերեկը կնվազի 3-5 աստիճանով։ 

Մարզերի առանձին շրջաններում մարտի 5-ի և 8-ի ցերեկը, 6-ին, 9-ին սպասվում են տեղումներ։

Մարտի 7-ին, 8-ի գիշերը շրջանների զգալի մասում սպասվում են տեղումներ, գիշերային ժամերին լեռնային շրջաններում՝ ձյուն։ Մարտի  5-ի  գիշերը սպասվում է առանց տեղումների եղանակ։

Քամին՝ հարավարևմտյան 2-4 մ/վ, մարտի 6-ին առանձին շրջաններում սպասվում է քամու ուժգնացում 18-23 մ/վ, 7-ին՝ 15-20 մ/վ արագությամբ:

Երևանում մարտի 9-ի ցերեկը,  6-ի գիշերը սպասվում է առանց տեղումների եղանակ։ Մարտի 5-ին քաղաքի առանձին հատվածներում հնարավոր են թույլ և կարճատև տեղումներ։ Մարտի 6-ին կեսօրից հետո, 7-8-ին, 9-ի գիշերը սպասվում է անձրև։ Մարտի 6-7-ին սպասվում է քամու ուժգնացում 13-16 մ/վ արագությամբ։