Հունաստանը հաստատակամորեն հավատում է, որ Հարավային Կովկասում տարաձայնությունները կարող են կարգավորվել խաղաղ միջոցներով, Սուրեն Պապիկյանի հետ համատեղ ասուլիսի ժամանակ հայտարարել է Հունաստանի ազգային պաշտպանության նախարար Նիկոս Դենդիասը։
«Մենք կտրականապես դեմ ենք այս տարածաշրջանում ցանկացած միակողմանի ռազմական գործողության։ Մենք նաեւ աջակցում ենք Հայաստանի եւ Ադրբեջանի միջեւ միջազգային իրավունքի շրջանակներում խաղաղության համաձայնագրի կնքմանը»,- ընդգծել է Դենդիասը։
