Հայաստանի դիրքորոշումն այն է, որ «Զվարթնոց» միջազգային օդանավակայանում ծառայությունն ամբողջությամբ պետք է իրականացնեն Հայաստանի սահմանապահ զորքերը, «Արմենպրես-ի տեղեկացմամբ` լրագրողների հետ ճեպազրույցում ասել է Անվտանգության խորհրդի քարտուղար Արմեն Գրիգորյանը` ի պատասխան այն հարցի, թե արդյոք քննարկվո՞ւմ է ՌԴ սահմանապահներին «Զվարթնոց» միջազգային օդանավակայանից դուրսբերման հարցը։
«Հայաստանն այս հարցում հստակ դիրքորոշում ունի և այդ հստակ դիրքորոշման մասին Ռուսաստանի Դաշնությանը տեղյակ պահել է պաշտոնական նամակով»,- ասել է Գրիգորյանը։
Հարցին, թե ինչու այդպիսի անհրաժեշտություն ծագեց, Գրիգորյանը պատասխանել է, որ Հայաստանն անկախության շրջանում տարբեր ուղղություններով կարողություն է ձեռք բերում, և այս պահին Հայաստանը կարողություն ունի օդանավակայանում ամբողջությամբ վերահսկողություն իրականացնելու համար։
