Մենք դպրոց կառուցել չգիտենք. վարչապետը դժգոհ է դպրոցաշինական աշխատանքներից

Կառավարության նիստում քննարկվեց դպրոցաշինությանն առնչվող խնդիրները, շինարարության որակն ու որակական չափանիշները։

Քննարկումների արդյունքում վարչապետ Նիկոլ Փաշինյանը խիստ դժգոհություն հայտնեց դպրոցաշինական աշխատանքներից։

«Եկեք արձանագրենք, որ մենք դպրոց կառուցել չգիտենք, մենք զրոյից սովորում ենք։ Բայց սովորելու պլան էլ է պետք ունենալ՝ ինչպես ենք սովորելու։ Իհարկե, փորձը կարևոր է, բայց փորձն առանց ֆունդամենտալ գիտելիքներ ունենալու՝ տնայնագործություն է և ինքնուսուցում է, որը կարող է հաջողություն բերել, բայց դա համակարգ չէ»,- կառավարության նիստին ասաց Փաշինյանը։