Մեծ Բրիտանիայի պաշտպանության նախարար Գրանտ Շապսը նախապես չհայտարարված այց է կատարել Կիև։
«Ես Կիևում եմ ժողովրդավարական աշխարհին ահազանգելու համար մեր վստահության մասին, որ Ուկրաինան կհաղթի այս պատերազմում։ Մեծ Բրիտանիան քայլեր է ձեռնարկել ավելին անելու համար և ամենամեծ ռազմական աջակցության փաթեթը կտրամադրի Ուկրաինային»,- X-ի իր էջում գրել է նախարարը:
Ըստ նախարարի` յուրաքանչյուր ժողովուրդ պետք է հետևի այդ օրինակին և ապահովի ազատության հաղթանակը բռնակալության նկատմամբ։
«Ինչպե՞ս կարող ենք խոսել ժողովրդավարության և ազատության մեր արժեքների մասին, եթե թույլ տանք Պուտինի նման բռնապետին իշխանությունը զավթել ժողովրդավարական երկրում»,- ասել է Շապսը։
