Խառը մենամարտերի ռուսական ACA լիգան անցկացրել է 2023 թվականի արդյունքներն ամփոփող մրցանակաբաշխություն, հայտնել է լիգայի մամուլի ծառայությունը:
Բոլոր անվանակարգերում հաղթողները ստացել են 10 հազարական դոլար։ Էդուարդ Վարդանյանը (25-3) ճանաչվել է ACA լիգայի 2023 թվականի լավագույն մարտիկ։ Վարդանյանը նախորդ տարի երկու մենամարտ էր անցկացրել և դարձել թեթև քաշային կարգի Գրան պրիի հաղթող: 32-ամյա հայազգի մարտիկը կիսաեզրափակչում հաղթել էր Յուսուֆ Ռաիսովին, իսկ եզրափակչում՝ Արտյոմ Ռեզնիկովին:
Վարդանյանը մարտի 6-ին Սանկտ Պետերբուրգում կայացած «Наше Дело 82» մրցաշարի գլխավոր մենամարտում մրցել էր UFC-ի նախկին մարտիկ, Ղազախստանը ներկայացնող Դամիր Իսմագուլովի հետ և հաղթել միավորների առավելությամբ:
