Չնայած կառավարության արգելքին, հազարավոր թուրք կանայք են դուրս եկել Ստամբուլի փողոցներ` պահանջելով հավասարություն և օրենքների փոփոխում, հայտնել է ABC News-ը։
Մանուշակագույն դրոշներով՝ ի նշան Կանանց միջազգային օրվա, նրանք վանկարկել են «Աշխարհը կցնցվեր, եթե կանայք ազատ լինեին», «Դիմադրիր հանուն ապստամբության, դիմադրի՛ր հանուն ազատության», «Կին, կյանք, ազատություն»։
Թուրքիան առաջին երկիրն էր, որը 2012 թվականի մարտին միացավ Ստամբուլի կոնվենցիային, որի նպատակն է կանխարգելել գենդերային բռնությունը՝ սահմանելով իրավաբանորեն պարտադիր չափանիշներ՝ զոհերին պաշտպանելու և հանցագործներին պատժելու համար: 9 տարի անց՝ 2021 թվականին, Թուրքիան դարձավ առաջին և միակ երկիրը, որը դուրս եկավ կոնվենցիայից՝ նախագահ Ռեջեփ Թայիփ Էրդողանի իսլամիստական ուղղվածություն ունեցող կառավարության որոշմամբ, քանի որ, նրանց պնդմամբ, պայմանագիրը խարխլում է իրենց պահպանողական արժեքները:
