Ղազախստանի ԱԳ նախարարությունը հաղորդել է, որ երկրի ԱԳ նախարար Մուրատ Նուրտլեուն մարտի 17-18-ը կայցելի Հայաստան։ Այցի շրջանակներում նախատեսված են հանդիպումներ Հայաստանի ղեկավարության, ինչպես նաև բանակցություններ ՀՀ արտաքին գործերի նախարար Արարատ Միրզոյանի հետ, որոնց ընթացքում կքննարկվեն քաղաքական, առևտրատնտեսական ոլորտում ղազախա-հայկական համագործակցության հարցերի լայն շրջանակ։ Քննարկվելու են տնտեսական և մշակութային-հումանիտար ոլորտները։
Դրա հետ մեկտեղ արտգործնախարարները կստորագրեն երկու երկրների արտգործնախարարությունների միջև 2024-2025 թվականների գործողությունների ծրագիրը, հայտնել է Ղազախստանի ԱԳՆ-ն։
