Արտաքին ուժեր կան, որոնք աջակցում էին էթնիկ զտումները կազմակերպող հիմնական ուժին. ՀՀ վարչապետ

Վարչապետ Նիկոլ Փաշինյանը հայտարարել է այսօր կայացած մամուլի ասուլիսում.

«Լեռնային Ղարաբաղից պետք չէր րոպե առաջ դուրս գալ, այդ սցենարը միշտ էլ կար, ԼՂ-ում պայթյունը ևս կապված էր րոպե առաջ դուրս գալու տրամաբանության հետ, երբ ամբողջ կառավարումը կորցնելով մարդկանց ասում էին՝ գնացեք այդ անգարներից բենզին վերցրեք։ Ես տեսնում էի, որ արտաքին ուժեր կան, որոնք դրդում էին էթնիկ զտումները կազմակերպող հիմնական ուժին ու աջակցում էին, որ ԼՂ հայերը րոպե առաջ դուրս գան, ինչի՞ համար, որովհետև նրանք հայտարարել էին Հայաստանում իշխանափոխության մեկնարկը և տեսնում էին, որ ՀՀ-ում իրենց ռեսուրսները չեն հերիքում հեղափոխություն անելու համար։ Նրանց հարկավոր էր թեկուզ ԼՂ-ի գնով ռեսուրս բերել Հայաստան, որպեսզի այստեղ իշխանափոխություն տեղի ունենա»։

Վարչապետի դիտարկմամբ` այդ նկրտումները հիմա էլ են շարունակվում։