Վրաստանի ներքին գործերի նախարար, ազգային անվտանգության խորհրդի քարտուղար Վախթանգ Գոմելաուրին հանդիպել է Ադրբեջանի անվտանգության խորհրդի քարտուղար Ռամիլ Յուսուբովի հետ։ Հանդիպմանը մասնակցել են նաև ներքին գործերի փոխնախարար Գիորգի Բութուզին և ազգային անվտանգության խորհրդի ղեկավար Գիվի Թումանիշվիլին։
Հանդիպման ընթացքում կողմերը խոսել են երկու երկրների համապատասխան կառույցների միջև անվտանգության ոլորտում համագործակցության խորացման կարևորության մասին։ Զրույցի ընթացքում անդրադարձ է արվել նաև տարածաշրջանում առկա իրադարձություններին և անվտանգության արդի խնդիրներին։
