ԿԳՄՍՆ-ն հայտնել է դպրոցական գարնանային արձակուրդի օրերը

Կրթության, գիտության, մշակույթի և սպորտի նախարար Ժաննա Անդրեասյանը հրաման է ստորագրել, որով սահմանվել են hանրակրթական հիմնական (ընդհանուր, մասնագիտացված և հատուկ) պետական ծրագրեր իրականացնող ուսումնական հաստատությունների 2023-2024 ուսումնական տարվա օրինակելի ուսումնական պլանները (1-ին, 3-րդ, 4-րդ, 6-րդ, 8-րդ, 9-րդ, 10-րդ, 11-րդ և 12-րդ դասարաններ)։

2023-2024 ուսումնական տարվա ուսումնական պարապմունքները հանրակրթական հիմնական (ընդհանուր, մասնագիտացված և հատուկ) պետական ծրագրեր իրականացնող ուսումնական հաստատությունների 1-12-րդ դասարաններում սկսվում են 2023 թվականի սեպտեմբերի 1-ին, ավարտվում 2024 թվականի մայիսի 24-ին` 5-օրյա աշխատանքային շաբաթվա, մայիսի 25-ին՝ 6-օրյա աշխատանքային շաբաթվա դեպքում՝ ապահովելով առնվազն 30 ուսումնական շաբաթ` առաջին, 32` երկրորդ և 34՝ երրորդից տասներկուերորդ դասարանների համար:

2023-2024 ուսումնական տարում՝

Առաջին դասարանցիների գարնանային արձակուրդը տրվում է 2024 թվականի մարտի 18-ից 31-ը ներառյալ,

Երկրորդ դասարանցիների գարնանային արձակուրդը տրվում է 2024 թվականի մարտի 25-ից 31-ը ներառյալ,

Ուսումնական պարապմունքների ընթացքում 3-12-րդ դասարանների սովորողներին գարնանային արձակուրդը տրվում է 2024 թվականի մարտի 25-ից 31-ը ներառյալ։