Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը հայտարարել է, որ ԵՄ-ն շահագրգռված չէ «Ռուսաստանին Չինաստանի գիրկը գցելու հարցում»:
«Նրանց մոտ (Մոսկվա և Պեկին) կա բարեկամության պայմանագիր, որը, ըստ իրենց, սահմանափակումներ չունի, բայց Չինաստանը զենք չի մատակարարում Ռուսաստանին», – ասել է դիվանագետը «EFE» գործակալությանը տված հարցազրույցում: Նրա խոսքով՝ ԵՄ-ն պետք է ապահովի, որ «Չինաստանի՝ որպես մեծ տերության վերելքը նպաստի աշխարհում խաղաղությանն ու կայունությանը»: Բորելը հավելել է, որ Եվրամիությունը «շահագրգռված չէ Ռուսաստանին Չինաստանի գիրկը գցելու հարցում»: Նա նաև Չինաստանն անվանել է միաժամանակ գործընկեր, մրցակից ու հակառակորդ։
