ՆԱՏՕ-ի գլխավոր քարտուղար Յենս Ստոլտենբերգի տարեկան զեկույցում անդրադարձ կա նաև Հարավային Կովկասի տարածաշրջանին ու Հայաստան-Ադրբեջան հարաբերություններին։
«ՆԱՏՕ-ն կոչ է անում և՛ Հայաստանին, և՛ Ադրբեջանին՝ առկա տարբեր ձևաչափերի շրջանակներում կառուցողական փոխգործակցության և ընդգծում է հումանիտար հարցերի հասցեագրման կարևորությունը: Նմանապես, ՆԱՏՕ-ն ձգտում է պահպանել ավելի ամուր գործընկերային հարաբերություններ երկու երկրների՝ Հայաստանի և Ադրբեջանի հետ, զարգացման և անհատապես ընտրված ասոցացման ծրագրերի միջոցով։ ՆԱՏՕ-ն աջակցում է տարածաշրջանի գործընկեր երկրների տարածքային ամբողջականությանը, քաղաքական անկախությանն ու ինքնիշխանությանը», – ասված է Ստոլտենբերգի զեկույցում։
