«Մշակույթի զարգացման» հիմնադրամը մշակույթի ոլորտում կներդնի կառավարման նոր համակարգ, առավել արդյունավետ կդառնա մշակութային ժառանգության հանրահռչակումը: Այս նոր նախաձեռնությամբ նախատեսվում է բարելավել մշակութային ոլորտում կառավարման համակարգը, ինչպես նաև ունենալ միասնական վարչատնտեսական կառավարման մոդել։ Այս մոդելն առաջին փուլում իրականացվելու է թանգարանների համար։ «Արմենպրես»-ի մամուլի սրահում հրավիրված ասուլիսում ՀՀ ԿԳՄՍ նախարարի տեղակալ Ալֆրեդ Քոչարյանը նշել է, որ նոր մոտեցմամբ զգալիորեն բեռնաթափվելու է թանգարանների ծանրաբեռնվածությունը։
Հիմնադրամի կարևոր գործառույթներից է լինելու նաև մշակութային ժառանգության հանրահռչակումը։ Նպատակ կա մեկտեղելու բոլոր հնարավոր ռեսուրսները, մարքեթինգային հնարավորությունները։
