Հայաստանն ու Ադրբեջանը շատ մոտ են խաղաղության պայմանագրի ստորագրմանը, հայտարարել է Թուրքիայի արտաքին գործերի նախարար Հաքան Ֆիդանը Բաքվի 11-րդ Գլոբալ ֆորումում ունեցած ելույթի ժամանակ, հաղորդել է «Արմենպրես»-ը` վկայակոչելով ադրբեջանական լրատվամիջոցները։
Ըստ Ֆիդանի` Թուրքիան լիովին աջակցում է բանակցությունների խաղաղ առաջընթացին։
«Մենք պետք է ստեղծենք մի համակարգ, որը հիմնված է միջազգային կանոնների վրա։ ԵԱՀԿ Մինսկի խումբը 30 տարի մասնակցել է Հարավային Կովկասում ղարաբաղյան հիմնախնդրի շուրջ բանակցություններին։ Հակամարտությունը լուծելու փոխարեն ԵԱՀԿ Մինսկի խումբը փորձում էր ձգձգել բանակցությունները»,- ասել է Ֆիդանը։
