Վարչապետը հանդիպել է Կիրանցի բնակիչների հետ

Հայաստանի Հանրապետության վարչապետ Նիկոլ Փաշինյանը Կիրանցում հանդիպել է բնակիչների հետ. այս տեղեկությունը տարածել է «Քաղաքացիական պայմանագիր» կուսակցության «Ֆեյսբուք»-ի էջը:

Մինչ այդ ՀՀ վարչապետի մամուլի քարտուղար Նազելի Բաղդասարյանն էր տեղեկացրել, որ Նիկոլ Փաշինյանը Ոսկեպարում հանդիպել է Ոսկեպարի, Բաղանիսի եւ հարակից բնակավայրերի բնակիչների հետ:

ՀՀ վարչապետը իր վերջին մամուլի ասուլիսում ասել էր.  

«Նախկինում էլ չեմ բացառել և չեմ բացառում, որ դելիմիտացիայի գործընթացը կարող է սկսվել Տավուշի մարզից։ Եվ այս գործընթացի շուրջ որոշումներ կայացնելիս մենք պետք է ելնենք իրողությունների և իրավիճակի համապարփակ վերլուծությունից և Հայաստանի շուրջ առկա անվտանգային մարտահրավերները և իրադրության կայունության ապահովման պահանջները, անհրաժեշտությունները կառավարելու տրամաբանությամբ»։