Իսրայելը երեքշաբթի վաղ առավոտյան հրթիռներ է արձակել Սիրիայի մայրաքաղաք Դամասկոսի սահմաններից դուրս գտնվող մի քանի ռազմական օբյեկտների ուղղությամբ։ Այդ մասին հայտնել է Սիրիայի պաշտպանության նախարարությունը:
Սիրիական ՀՕՊ միջոցները որսացել են իսրայելական «հրթիռները և կանգնեցրել դրանց մի մասը», – ասվում է նախարարության հայտարարության մեջ:
Իրանը նախագահ Բաշար Ասադի հիմնական կողմնակիցն էր Սիրիայում գրեթե 12 տարի շարունակվող հակամարտության ժամանակ: Նրա աջակցությունը Դամասկոսին և լիբանանյան Հըզբոլլահ խմբավորմանը հանգեցրել է Իսրայելի կանոնավոր օդային հարվածներին, որոնք կոչված են սահմանափակել Թեհրանի արտատարածքային ռազմական հզորությունը:
