Իրավաբան, սահմանադրագետ Արտաշես Խալաթյանը Ֆեյսբուքում գրել է.
«Պետք է միշտ հիշել, որ միջազգային իրավունքը թույլ պետությունների գործիքն է, իսկ քաղաքական սակարկությունը` ուժեղների։
Միջազգային իրավունքի և անիրավ քաղաքականության միջև բաժանարար գիծը բարակ է, ինչպես որոշ վայրերում հայ֊ադրբեջանական շփման գիծը։ Չտա Աստված, որ մենք կամա թե ակամա հատենք այդ գիծը։ Այդ դեպքում մեզ հետ` որպես պետության, կվարվեն այնպես, ինչպես մեր պատանդառված քաղաքացիների հետ Ադրբեջանում։
Եվ մի բան էլ. այն պետությունները, որոնք հայ֊ադրբեջանական կոնֆլիկտում միջազգային իրավունքի դաշտից (խաղաղության պայմանագիր դելիմիտացիայի հիմքերի սահմանմամբ և այնուհետև դեմարկացիա) մեզ շեղում են դեպի քաղաքական սակարկությունների դաշտ (ուժի կիրառման սպառնալիքով առանց խաղաղության պայմանագրի կնքման դելիմիտացիա և դեմարկացիա, անհասկանալի հանձնաժողովներով սահմանների տեղորոշման համաձայնությունների պարտադրում)` մեզ տանում են դեպի ծուղակ, որից մենք կարող է և դուրս չգանք»։
