ԱՄՆ նախագահի թեկնածու Դոնալդ Թրամփը հայտարարել է, որ իր հաղթանակի դեպքում երկիրը դուրս չի գա ՆԱՏՕ-ից, քանի դեռ դաշինքի եվրոպացի անդամները «ազնվորեն» վճարում են իրենց տուրքերը, գրում է DW-ն։
«Միացյալ Նահանգները պետք է վճարի իր արդար մասնաբաժինը՝ ՆԱՏՕ-ում պաշտպանության ծախսերը, և չպետք է վճարի ուրիշների համար»,- ընդգծել է Թրամփը։
Նա կարծիք է հայտնել, որ Հյուսիսատլանտյան դաշինքը «ավելի կարևոր» է եվրոպական երկրների համար, քան ԱՄՆ-ի։
«Մեր և Եվրոպայում որոշ խնդիրների միջև ընկած է օվկիանոս, մեծ, գեղեցիկ օվկիանոս»,- նշել է ամերիկացի քաղաքական գործիչը։
Իր նախագահության ժամանակ Թրամփը հաճախ է քննադատել ՆԱՏՕ-ին, սակայն, ի վերջո, դաշինքի դեմ որևէ միջոց չի ձեռնարկել։
Հակառակը, նա ակտիվորեն խրախուսել է դաշնակիցներին մեծացնել պաշտպանական բյուջեները, որպեսզի դաշինքն ավելի ուժեղ ու ավելի քիչ կախված լինի ԱՄՆ զինված ուժերից:
