Կիևն իր եվրոպացի դաշնակիցներին խնդրում է ոչ թե զորք մտցնել Ուկրաինայի տարածք, այլ այնտեղ ռազմական հրահանգիչներ ուղարկել։ Նման հայտարարությամբ է հանդես եկել Ուկրաինայի վարչապետ Դենիս Շմիգալը։
«Մենք զորք չենք խնդրել», – հավաստիացրել է նա իսպանական «El País» թերթին տված հարցազրույցում․ «Մենք ունենք մեր սեփական պաշտպանական ուժերը, ունենք բավարար զորքեր։ Առաջարկում ենք մեր եվրոպացի գործընկերներին՝ հրահանգիչներ ուղարկել Ուկրաինայի տարածք, քանի որ դա կհեշտացներ լոգիստիկան եւ հաղորդակցությունը»։
Վարչապետը նաև նշել է, որ Կիևը խնդրում է իր դաշնակիցներին մեծ և միջին հեռահարության հրթիռներ ուղարկել իրեն։ «Երաշխիքներ ենք տվել, որ չենք օգտագործի այդ հրթիռները ռուսական տարածքին հարվածելու համար», – ասել է Շմիգալը:
