Անօդաչու թռչող սարքերի (ԱԹՍ)՝ ռադիոխանգարումների և լազերի կիրառմամբ հայտնաբերման և չեզոքացման շարժական համակարգերի առաջին խմբաքանակը մտել է հնդկական բանակի ցամաքային ուժերի սպառազինության մեջ, հայտնել է Times of India թերթը՝ հղում անելով ռազմական աղբյուրներին։
IDD&IS անվանումը ստացած համակարգերը տեղակայվելու են Չինաստանի հետ Հնդկաստանի սահմանին։ Դրանք ունակ են հայտնաբերել աննկատելի ԱԹՍ-ներ 5-8 կմ հեռավորության վրա, ռադիոէլեկտրոնային միջամտությամբ խոցման շառավիղը հասնում է 2-5 կմ-ի, բարձր էներգիայի լազերով ոչնչացումը՝ 800 մ:
