Հայիթիի մայրաքաղաք Պորտ-օ-Պրենսում հարձակումներ են տեղի ունեցել, այդ թվում՝ հրաձգություն, որի հետևանքով սպանվել է խմբավորումներից մեկի պարագլուխը։ Քաղաքական խմբերը, կարծես, մոտեցել են անցումային խորհրդի ձևավորման ավարտին, որը պետք է փոխարինի բացակայող կառավարությանը: Հայիթիի ոստիկանությունից հաստատել են, որ Դելմաս–95 խմբավորման ղեկավար Էռնստ Յուլմեն, որը հայտնի է որպես Թի Գրեգ, սպանվել է ոստիկանական գործողության ընթացքում․ խմբավորման մեկ այլ առաջնորդ սպանվել էր նախորդ օրը։
Անցումային պլանը մշակել է Կարիբյան միջկառավարական խորհուրդը` Հայիթիի կառավարության և ընդդիմության ներկայացուցիչների միջնորդությամբ: Ակնկալվում էր, որ ինը անդամից բաղկացած խորհրդի ձևավորումը կավարտվի մի քանի օրվա ընթացքում:
