Մարտի 26-ին Ուկրաինայի պետբյուջե է մուտքագրվել Արժույթի միջազգային հիմնադրամի կողմից EFF ընդլայնված ֆինանսավորման ծրագրի շրջանակներում ֆինանսական աջակցության երրորդ տրանշը՝ 880 միլիոն դոլարի չափով, հայտնել է երկրի վարչապետ Դենիս Շմիգալը։
«Միջոցները կօգնեն ծածկել առաջնահերթ բյուջետային ծախսերը և պահպանել մակրոֆինանսական կայունությունը», – հավելել է կառավարության ղեկավարը: Շմիգալը նշել է, որ Ուկրաինան շարունակում է հաջողությամբ կատարել իր պարտավորությունները գործընկերների առջև և պատրաստվում է ծրագրի հաջորդ վերանայմանը:
