ԱՄՆ Կոնգրեսի Ներկայացուցիչների պալատը հենց նոր ճանաչեց Հայոց ցեղասպանությունը: Կողմ ՝405, դեմ՝ 11 ձայն։ Այս առիթով ֆեյսբուքյան իր էջում հենց նոր գրառում կատարեց նաև ՀՀ ԱԺ նախագահ Արարատ Միրզոյանը՝ շնորհակալություն հայտնելով Ներկայացուցիչների պալատին։ Գրառումը ներկայացնում ենք ստորև․
ԱՄՆ Ներկայացուցիչների պալատը քիչ առաջ քվեարկեց Հայոց ցեղասպանության հիշատակման և ճանաչման մասին 296 բանաձևի ընդունման օգտին:
Այս բանձևի ընդունումը պատմական քայլ է և հարգանքի տուրք` ցեղասպանության մեկուկես միլիոն հայ նահատակների հիշատակին: Այն հստակ ուղերձ է քաղաքակիրթ աշխարհին, որ նման ոճրագործությունները չեն կարող հանդուրժվել:
Ամերիկայի Միացյալ Նահանգները, վերահաստատելով մարդու իրավունքների պաշտպանության և համամարդկային արժեքների նկատմամբ իրենց հավատարմությունը և առաջատար դերը, կարևոր ներդրում կատարեցին` ուղղված մարդկության դեմ նոր հանցագործությունների, նոր ցեղասպանությունների կանխարգելմանը:
Շնորհակալութնուն եմ հայտնում Ներկայացուցիչների պալատի կողմից հայ ժողովրդի հանդեպ բարեկամության դրսևորման և ժխտողականության դեմ պայքարում արժեքավոր ջանքերի համար։
