Ասանժին չեն արտահանձնի, քանի դեռ մահապատժի սպառնալիք կա

Լորդերի պալատի անդամ Ռիչարդ Բալֆը РИА Новости-ի հետ զրույցում հայտարարել է, որ Մեծ Բրիտանիան չի արտահանձնի ԱՄՆ-ին WikiLeaks-ի հիմնադիր Ջուլիան Ասանժին, քանի դեռ կա մահապատժի սպառնալիք։

«Ես համոզված եմ, որ Մեծ Բրիտանիայի կառավարությունը չի ցանկանա արտահանձնել Ասանժին առանց հստակ ըմբռնման, որ ԱՄՆ-ում մահապատժի վերաբերյալ որոշում չի լինի»,- ասել է Բալֆը։

Մարտի 26-ին Լոնդոնի Գերագույն դատարանը բավարարել է Ջուլիան Ասանժի միջնորդությունը և վճիռ կայացրել հօգուտ նրա։ WikiLeaks-ի հիմնադիրը կկարողանա բրիտանական դատարաններում շարունակել վիճարկել ԱՄՆ-ին արտահանձնման որոշումը: