Հունաստանի Պելոպոնես թերակղզու մերձակայքում երկու երկրաշարժ է տեղի ունեցել, հայտնել է Աթենքի համալսարանի սեյսմոլոգիական լաբորատորիան։
5,4 մագնիտուդով առաջին ցնցումը տեղի է ունեցել տեղական ժամանակով 9:11-ին, երկրորդը՝ 5,8 մագնիտուդով, մեկ րոպե անց՝ 9:12-ին։
Առաջին երկրաշարժի օջախը եղել է տասը կիլոմետր խորության վրա՝ Պիրգոս քաղաքից 52 կիլոմետր, իսկ Աթենքից 234 կիլոմետր հեռավորության վրա։
Երկրորդ երկրաշարժի օջախը գտնվել է 18 կիլոմետր խորության վրա՝ Պիրգոսից 48 կիլոմետր և Աթենքից 226 կիլոմետր հեռավորության վրա։
