Ռուսաստանի զինված ուժերը մարտի 31-ին հրթիռային հարվածներ են հասցրել Ուկրաինայի Լվովի մարզի կրիտիկական ենթակառուցվածքներին, ինչի հետևանքով կա 1 զոհ, «Արմենպրես»-ին հայտնել է Լվովի մարզային ռազմական ադմինիստրացիայի ղեկավար Մաքսիմ Կոզիտսկին։
Նրա խոսքով՝ հարվածների հետևանքով մեկ վարչական շենք է փլվել, ինչի հետևանքով նաև հրդեհ է բռնկվել, որն արագ մարել են հրշեջները։
Կոզիտսկին նաև հայտնել է, որ փրկարարները որոնողական աշխատանքներ են իրականացնում, հեռացնում են փլատակները, որոնց տակ կարող են դեռ մարդիկ մնացած լինել ։
Ռուսաստանի պաշտպանության նախարարությունն իր հերթին հայտարարել է Ուկրաինայի էներգետիկ ենթակառուցվածքներին բարձր ճշգրտությամբ հարվածներ հասցնելու մասին։ Նշվում է, որ հարվածների հետևանքով խափանվել է Ուկրանիայի սպառազինության պատրաստման և վերականգնման պաշտպանական արդյունաբերության աշխատանքը։
