Իսրայելի զինվորականները երկշաբաթյա պաշարումից հետո դուրս են եկել Գազայի «Ալ-Շիֆա» հիվանդանոցից, հայտնել է անկլավի առողջապահության նախարարությունը:
Առողջապահության համաշխարհային կազմակերպությունն իր հերթին հայտնել է, որ մարտի 18-ին Իսրայելի կողմից հաստատության պաշարումը սկսելուց հետո 21 հիվանդ է զոհվել:
Շուրջ երկու շաբաթ առաջ Իսրայելի պաշտպանության բանակը հայտարարել էր հիվանդանոցում ռազմական գործողության մասին, նշել, որ ստացվել է հետախուզական տեղեկատվություն՝ հաստատությունն օգտագործվում է ծայրահեղական ՀՄԱՍ-ի բարձրաստիճան անդամների կողմից ահաբեկչական գործունեության համար։
Նշվել է նաև, որ առնվազն չորս մարդ է զոհվել Գազայի կենտրոնում գտնվող «Ալ-Աքսա» հիվանդանոցի բակում Իսրայելի օդային հարձակման հետևանքով:
