«Գոյ» թատրոնի աշխատակազմն այսօր բողոքի ակցիա է կազմակերպել՝ դժգոհելով, որ Սունդուկյանի անվան թատրոնի տնօրինությունը փակել է իրենց մուտքի դուռը և խոչընդոտում է բնականոն աշխատանքներին։
«Գոյ» թատրոնի դերասան Աշոտ Տեր-Մաթևոսյանը լրագրողներին տեղեկացրել է, որ իրենց առաջարկվել է «անկախ միավոր հանդիսանալ», բայց դրա հետ կապված ոչինչ չի արվում․ «Մենք մոտ մեկ ամիս բանակցել ենք փոխնախարարի հետ, և վերջին հանդիպման ժամանակ նա հայտնեց, որ իրենք արդեն պետռեգիստր են դիմել:
Միաժամանակ մենք պայմանավորվել ենք, որ բանակցելու ընթացքում ոչ մի մամուլի ասուլիս չենք տալիս և ոչ մի գործողություն չենք անում, դատական նոր հայցեր չենք ներկայացնում:
Պարզվեց, որ իրենք «տակից» արդեն դիմել են պետռեգիստր և «Գոյ» թատրոնի` որպես ՊՈԱԿ–ի, գործունեությունը դադարել է: Ստացվում է, որ իմիտացիա էր այս ամենն, ու իրենք ուղղակի ժամանակ էին ձգում՝ ՊՈԱԿ-ի գործունեությունն ապօրինաբար դադարեցնելու նպատակով»:
