Ռուսաստանի ԱԳՆ խոսնակ Մարիա Զախարովան իր ամենշաբաթյա ասուլիսում կրկին մեղադրել է Հայաստանում գործող ԵՄ դիտորդական առաքելությանը. իր բնորոշմամբ` դա ՆԱՏՕ–ի առաքելություն է, որն աշխատում է ՌԴ-ի դեմ։
«Հիմա ավելի մանրամասն՝ հետխորհրդային տարածքի մասին։ Հայաստանում ԵՄ առաքելությունը արևմտականների ջանքերով, ըստ էության, վերածվում է ՆԱՏՕ–ի առաքելության։ Հանուն իրենց ինչ-որ կարգի պահանջվածության ցուցադրության՝ ՆԱՏՕ անդամ երկրները սրում են հակառուսական հիստերիան, կոչ անում մեր երկրի հետ ռազմական կոնֆլիկտի պատրաստվել։ Ներդրումներ են անում ռազմարդյունաբերական համալիրի վրա՝ տնտեսական վատթար իրավիճակի ֆոնին։ Պարզապես իրենց գումարը չեն ներդնում ռազմարդյունաբերական համալիրի վրա, նրանք կոչ են անում Հայաստանին՝ ներդրումներ անել ռազմարդյունաբերական համալիրում։ Նրանք ամեն ինչ բոլորին խոստացել են՝ Սերբիային, Ուկրաինային։ Ովքեր կարողացել են զսպել դա` դիմակայել են, ովքեր չեն փորձել կամ չեն ցանկացել զսպել` քայքայվել են Ուկրաինայի պես», – ասել է Զախարովան:
