Թայվանում տեղի ունեցած 7,4 մագնիտուդով երկրաշարժը, ըստ Միացյալ Նահանգների երկրաբանական ծառայության տվյալների, ամենաուժեղն է եղել կղզում վերջին 25 տարվա ընթացքում: Կա առնվազն 9 զոհ, 821 վիրավոր, 50 մարդ անհետ կորել է, «Լուրեր»-ի հաղորդմամբ` հայտնել են երկրի իշխանությունները:
Փրկարարները տեղեկացրել են, որ դանդաղ տարհանում են Հուալիեն քաղաքի մոտ գտնվող թունելներում արգելափակված անձանց, այդ թվում՝ երկու գերմանացու:
«Մենք կորցրել ենք կապը չորս միկրոավտոբուսով 50 ճանապարհորդի հետ, որոնք ուղևորվել էին ազգային պարկի՝ Տարոկո կիրճում գտնվող հյուրանոց»,- հավելել են փրկարարները:
