Էրդողանը հաստատել է եռակողմ համաձայնագիրը

Թուրքիայի նախագահ Ռեջեփ Թայիփ Էրդողանը հավանություն է տվել Թուրքիայի, Ադրբեջանի և Վրաստանի միջև «Բաքու-Թբիլիսի-Կարս երկաթուղու նախագծի շրջանակներում մաքսային տարանցման աշխատանքները հեշտացնելու նպատակով տվյալների նախնական փոխանակման մասին» համաձայնագրին։

Պետության ղեկավարի ստորագրած համապատասխան փաստաթուղթը հրապարակվել է Պաշտոնական տեղեկագրում: Երեք երկրների կառավարությունների միջև համաձայնագիրն ստորագրվել էր 2022 թվականի օգոստոսի 18-ին՝ Բաքվում։

Համաձայնագիրն ուղղված է Բաքու-Թբիլիսի-Կարս երկաթուղով տարանցիկ փոխադրվող ապրանքների մաքսային ընթացակարգերի պարզեցմանը, որն անցնում է բոլոր երեք պետությունների տարածքով։